surah074

يَا أَيُّهَا الْمُدَّثِّرُ

1. Kani ku dedanow dharka!

قُمْ فَأَنذِرْ

2. Kac oo dig,

وَرَبَّكَ فَكَبِّرْ

3. Rabbigaa weynee.

وَثِيَابَكَ فَطَهِّرْ

4. Maryahaagana daahiri.

وَالرُّجْزَ فَاهْجُرْ

5. Fadaradana (sanamada iyo najaasooyinka) ka fogow.

وَلَا تَمْنُن تَسْتَكْثِرُ

6. Waxna ha u bixin si aad u hesho wax ka badan.

وَلِرَبِّكَ فَاصْبِرْ

7. Rabbigaana dartiis u samir.

فَإِذَا نُقِرَ فِي النَّاقُورِ

8. Marka Buunka (Qiyaame) la afuufo;

فَذَٰلِكَ يَوْمَئِذٍ يَوْمٌ عَسِيرٌ

9. Maalintaasi waa maalin aad u Daran.

عَلَى الْكَافِرِينَ غَيْرُ يَسِيرٍ

10. Gaalada aan u fududeyn.

ذَرْنِي وَمَنْ خَلَقْتُ وَحِيدًا

11. Isu kaanna daa aniga iyo kaan abuuray isagoo keli ah (qaawan).

وَجَعَلْتُ لَهُ مَالًا مَّمْدُودًا

12. Oo aan siiyey hanti ballaadhan.

وَبَنِينَ شُهُودًا

13. Iyo wiilal ag jooga oo garabkiis ah.

وَمَهَّدتُّ لَهُ تَمْهِيدًا

14. (Oo aan u waasiciyey risiqa), una goglay wax walba hortiisa goglid.

ثُمَّ يَطْمَعُ أَنْ أَزِيدَ

15. Haddana damci inaan u ziyaadiyo;

كَلَّا ۖ إِنَّهُ كَانَ لِآيَاتِنَا عَنِيدًا

16. Mayee, kaasi wuxuu diiday Aayadahayaga.

سَأُرْهِقُهُ صَعُودًا

17. Waxaan ku kallifi inuu kor u fuulo cadaab silic iyo saxariir badan.

إِنَّهُ فَكَّرَ وَقَدَّرَ

18. (Gaalkaasu) wuu fekaray, wax buuna goostay;

فَقُتِلَ كَيْفَ قَدَّرَ

19. Nacaladi ha ku dhacdee! Siduu wax u qorsheeyey.

ثُمَّ قُتِلَ كَيْفَ قَدَّرَ

20. Misna, nacladi ha ku dhacdee, siduu wax u qorsheeyey.

ثُمَّ نَظَرَ

21. Kaddib wuu eegay;

ثُمَّ عَبَسَ وَبَسَرَ

22. Markaasuu wejiga kaduuday oo soo uruuriyey.

ثُمَّ أَدْبَرَ وَاسْتَكْبَرَ

23. Haddana dhabarka jeediyey oo is kibriyay;

فَقَالَ إِنْ هَـٰذَا إِلَّا سِحْرٌ يُؤْثَرُ

24. Wuxuu yidhi: Kani (Qur'aanka) wax kale maahee waa sixir laga soo minguuriyey kuwo kale.

إِنْ هَـٰذَا إِلَّا قَوْلُ الْبَشَرِ

25. Kanu (Qur'aanku) ma aha waxaan aheyn hadal Aadmi.

سَأُصْلِيهِ سَقَرَ

26. Waxaan galin kaasi Saqaro (Naar).

وَمَا أَدْرَاكَ مَا سَقَرُ

27. Maxaad ka og tahay waxay Saqaro tahay?

لَا تُبْقِي وَلَا تَذَرُ

28. Ma reebto (hilib iyo laf midna) waxnana kama tagto.

لَوَّاحَةٌ لِّلْبَشَرِ

29. Waxay doorisaa jirka oo gubtaa.

عَلَيْهَا تِسْعَةَ عَشَرَ

30. Waxaa kor jooga sagaal iyo toban (malag oo adadag).

وَمَا جَعَلْنَا أَصْحَابَ النَّارِ إِلَّا مَلَائِكَةً ۙ وَمَا جَعَلْنَا عِدَّتَهُمْ إِلَّا فِتْنَةً لِّلَّذِينَ كَفَرُوا لِيَسْتَيْقِنَ الَّذِينَ أُوتُوا الْكِتَابَ وَيَزْدَادَ الَّذِينَ آمَنُوا إِيمَانًا ۙ وَلَا يَرْتَابَ الَّذِينَ أُوتُوا الْكِتَابَ وَالْمُؤْمِنُونَ ۙ وَلِيَقُولَ الَّذِينَ فِي قُلُوبِهِم مَّرَضٌ وَالْكَافِرُونَ مَاذَا أَرَادَ اللَّهُ بِهَـٰذَا مَثَلًا ۚ كَذَٰلِكَ يُضِلُّ اللَّهُ مَن يَشَاءُ وَيَهْدِي مَن يَشَاءُ ۚ وَمَا يَعْلَمُ جُنُودَ رَبِّكَ إِلَّا هُوَ ۚ وَمَا هِيَ إِلَّا ذِكْرَىٰ لِلْبَشَرِ

31. Kama aanu yeelin waardiyada Naarta waxaan ahayn malaa'ig, umana aanu yeelin tiradooda waxaan ahayn imtixaan ahaan gaalada - si ay ehlu Kitaabku u yaqiinsadaan (Xaq ahaanta Islaamka), mu’miniintuna u kororsadaan Iimaan - oo aanay kuwaa ehlu Kitaabka ah iyo mu’miniinta u shakiyin, iyo in kuwaa uu quluubtoodu ku jiro cudur iyo gaalada (mushrikiinta ah) u yidhaahdaan: Muxuu Alle ugala jeedaa tusaalahan? Sidaasuu Alle u lumiyaa qofkuu doono, oo u hanuuniyaa qofkuu doono. Ma jiro wax og ciidammada Rabbigaa Isaga maahee. Waxan la soo sheegayna ma aha waxaan aheyn waano ku socota dadka.

كَلَّا وَالْقَمَرِ

32. Mayee, waxaan ku dhaartay dayaxa,

وَاللَّيْلِ إِذْ أَدْبَرَ

33. Iyo habeenka markuu tago.

وَالصُّبْحِ إِذَا أَسْفَرَ

34. Iyo waagu markuu caddaado.

إِنَّهَا لَإِحْدَى الْكُبَرِ

35. Hubaal iyadu (Naartu) waa mid ka mid ah balaayooyinka waaweyn.

نَذِيرًا لِّلْبَشَرِ

36. Digniin u ah dadka.

لِمَن شَاءَ مِنكُمْ أَن يَتَقَدَّمَ أَوْ يَتَأَخَّرَ

37. Qofkii doona inuu ku hormaro (camallo san) ama dib ugu haro (xume fal),

كُلُّ نَفْسٍ بِمَا كَسَبَتْ رَهِينَةٌ

38. Naf walbaa waxaa loogu heystaa curaar waxay kasbato.

إِلَّا أَصْحَابَ الْيَمِينِ

39. Qolada midigta maahee.

فِي جَنَّاتٍ يَتَسَاءَلُونَ

40. Jannooyin gudahood waxay iska wareysan,

عَنِ الْمُجْرِمِينَ

41. Xaalka denbiilayaasha:

مَا سَلَكَكُمْ فِي سَقَرَ

42. Maxaa idin keenay Naarta Saqaro?

قَالُوا لَمْ نَكُ مِنَ الْمُصَلِّينَ

43. Waxay odhan: Kama aynu mid aheyn kuwa tukada.

وَلَمْ نَكُ نُطْعِمُ الْمِسْكِينَ

44. Mana aannaan aheyn kuwo quudiya miskiinka;

وَكُنَّا نَخُوضُ مَعَ الْخَائِضِينَ

45. Waxaanu ahayn kuwo la dhumbada waxyaalo been ahoo aan jirin iyo xumaan kuwa dhumbada.

وَكُنَّا نُكَذِّبُ بِيَوْمِ الدِّينِ

46. Waxaanu ahayn kuwa beeniya Maalinta abaal marinta (jaazeynta).

حَتَّىٰ أَتَانَا الْيَقِينُ

47. Jeer ay noo timid yaqiinta la hubo (geeridu).

فَمَا تَنفَعُهُمْ شَفَاعَةُ الشَّافِعِينَ

48. Marka waxba u tarimeyso shafeecada kuwa shafeeca.

فَمَا لَهُمْ عَنِ التَّذْكِرَةِ مُعْرِضِينَ

49. Ee maxaa heysta iyaga oo ay uga jeestaan (qaadashada) waanada?

كَأَنَّهُمْ حُمُرٌ مُّسْتَنفِرَةٌ

50. Sida inay yihiin dameero duur joog ah oo didsan.

فَرَّتْ مِن قَسْوَرَةٍ

51. Ee ka soo cararay libaax?

بَلْ يُرِيدُ كُلُّ امْرِئٍ مِّنْهُمْ أَن يُؤْتَىٰ صُحُفًا مُّنَشَّرَةً

52. Mayee, qof walba oo ka mid ahi wuxuu rabaa in la siiyo kitaab faahfaahsan (oo xag Alle ah).

كَلَّا ۖ بَل لَّا يَخَافُونَ الْآخِرَةَ

53. Mayee! balse, kama cabsadaan Aakhirada (Ciqaabka Alle).

كَلَّا إِنَّهُ تَذْكِرَةٌ

54. Mayee, hubaal kani (Qur’aanka) waa waano.

فَمَن شَاءَ ذَكَرَهُ

55. Ee qofkii rabaa ha ku waano qaato.

وَمَا يَذْكُرُونَ إِلَّا أَن يَشَاءَ اللَّهُ ۚ هُوَ أَهْلُ التَّقْوَىٰ وَأَهْلُ الْمَغْفِرَةِ

56. Ma waantoobayaanse in Alle doono maahee; waa Isaga Kan mudan inay aadmigu ka cabsadaan, oo mudan inuu Denbi Dhaafo.